AZ
Bir Çin şirkəti üçün qəribə ad olan "Alibaba" adı peşəsi müəllim olan Cek Manın ağlına bir gün San Fransiskoya səyahəti zamanı gəldi. "Şam yeməyi yeyirdim, yanıma bir ofisiant yaxınlaşdı. Ondan "Ali Babanı tanıyırsanmı?" deyə soruşdum. "Bəli, dedi".
Çinin xırda sahibkarları ilə dünyanın nəhənglərini birləşdirən Alibaba bir əyalətdə, özü kiçik olsa da xəyalları böyük olan bir müəllimin ilk addımı kimi yarandı. Bu gün isə Alibaba Çinin və dünyanın ən nəhəng ticarət şirkətlərindən biridir. Hazırda bu təsisat özündə dünyaca məşhur şirkətləri birləşdirir. 2014-cü ildəki səhmləri 25 milyard dollara qədər yüksələrək rekord vurub. Sahibkarlığın görkəmli siması olan Cek XXI əsrin Rokfelleri hesab olunur.
Cek Ma və Alibabanın heyrətamiz yüksəliş hekayəsi eyni zamanda Çin iqtisadiyyatının keçirdiyi böyük inqilabın da aydın təsvirini yaradır.