Kitabda Yeni Türkiyənin qurucusu Mustafa Kamal Atatürklə türkçülük fikir axınının öncül nümayəndələrindən biri kimi tanınan böyük soydaşımız Əhməd Ağaoğlu arasındakı münasibətlər nəzərdən keçirilir. Kifayət qədər mürəkkəb xarakter daşıyan, bəzən gərgin mübahisə və fikir toqquşmalarına meydan açan bu münasibətlər Qurtuluş Savaşının geniş vüsət aldığı 1921-ci ildən Atatürkün həyatının sonuna qədər davam etmişdir. Əhməd bəy Atatürkün simasında türk millətinin və dövlətinin xilaskarını, Atatürk isə onun şəxsində Cümhuriyyətin, laik və demokratik düşüncənin, türk milli idealının ən atəşin tərəfdarlarından birini görmüşdü. Kitab tarixçilər, politoloqlar, türkoloqlar, ümumən geniş oxucu auditoriyası üçün nəzərdə tutulmuşdur.
Məhsulun kodu:9789952366914
Janr:
Tarix
Nəşriyyat:
Qanun Nəşriyyatı
Cild:
Yumşaq
Müəllif:
Vilayət Quliyev
Səhifə sayı:
192
Dil:
Azərbaycan
Метка:
Ekspress
şərhlər3
Kitab Türkiyənin yaradıcı lideri Mustafa Kemal Atatürk ilə Azərbaycanın milli liderlərindən Əhməd Ağaoğlu arasındakı münasibətləri və əlaqələri ətraflı şəkildə təhlil edir. Kitab, bu iki böyük şəxsiyyətin fikir və hərəkət dünyalarını, milli məsələlərdəki birlik və fərqləri oxucuya bəyan edir. Quliyev, Atatürk və Ağaoğlu arasındakı dialoq və əlaqələri tədqiq edərək, həmin dövrün siyasi və mədəni proseslərini aydınlaşdırır. İki liderin fikir birliyini, milli məsələlərdə birgə hərəkət etmələrini və hər birinin öz milli mənafeyini necə müdafiə etdiyini ətraflı şəkildə izah edir.
Iki dahi şəxsiyyət bir arda cəmlənib. Kitabın hər səhifəsində bir tarix vərəqlənir. Mütləq oxuyun.
"Atatürk və Əhməd Ağaoğlu" əsərində bir dövrün bağlanıb,yeni dövrün açıldığı Türkiyə Cümhuriyyətində,onun qurucusu olduğu M.K.Atatürkün və Azərbaycanın çox görkəmli ictimai xadimi,siyasətçi Əhməd bəy Ağaoğlunun yollarının kəsişdiyini görürük. Ağaoğlunun dərin dünyagörüşü ,qıvraq zəkası Atatürkün dövlət idarəçiliyində yaxın tərəfdaşlarından biri etmişdir. Bu yaxınlıq öndərin qarşısında zaman-zaman çəkinmədən prinsipial mövqeni müdafiə etmək və dilə gətirmək hər adamın öhdəsindən gələ biləcəyi asan məsələ sayılmamalıdır. Son olaraq qeyd etmək istəyərdim ki əsər kitabın əsas qəhrəmanları ilə yanaşı yazarın-Azərbaycanın Bosniya və Herseqovinada fövqəladə və səlahiyyətli səfiri olan Vilayət Quliyevin axıcı,rahat,anlaşıqlı yazdığı əsər, yazarın digər kitabları və tərcümələrini oxumağa sövq edir.
şərhlər3