Doktor Dulitlin seyahetleri

Məşhur uşaq yazıçısı Hyu Loftinqin ilk dəfə 1922-ci ildə ABŞ-da nəşr etdirdiyi bu əsər "Newberry Medal" mükafatına layiq görülüb. Əsərdə Doktor Dulitl 9 yaşlı yeni assistenti Tommi Stabbins, Cip adlı iti və Polineziya adlı tutuquşusu ilə birlikdə Hörümçəkmeymun adası adlanan yerdə yaşayan, dünyanın ən tanınmış təbiətşünası hesab olunan Uzun Ox adlı adamı axtarmağa başlayır. Bu hekayə oxucuları Aralıq dənizinə, Cənubi Amerikaya və hətta dənizlərin altına aparacaq. Səyahət boyunca qəhrəmanlar müxtəlif məkanları görür, fərqli mədəniyyətlərlə tanış olur, dünyanın qeyri-adi canlıları ilə ünsiyyət qurmağa çalışır, çoxlu çətinliklərlə üzləşirlər. Onlar bütün heyvanların dilini bilmək sayəsində qarşılaşdıqları çətinliklərin öhdəsindən gəlməyə çalşırlar.