Eşqə Səfər

Bu əsər tək sözlə möhtəşəm idi. Həm gerçək həyatda olan hadisədən yazılmış, həm də insana huzur verən, sakitləşdirən bir tərəfi var. "Müasir dövrdə sufizm ədəbiyyatında kim gözəl əsərlər yazır" deyə soruşsalar, heç düşünmədən Sinan Yağmur deyərəm. Bu əsər o qədər gözəl təsir etmişdi ki, ardınca 3 əsərini daha aldım və onları da çox sevdim. Əsərin tərcüməsi isə mükəmməl idi. Əsərin mövzusu: Əsərdə Veysəl Qəranidən bəhs olunur. Onun doğulduğu illər Muhəmməd Peyğəmbərin (s) dünyaya gəlməsilə eyni zamana düşür. Veysəl peyğəmbəri (s) görməyi çox istəyir, amma anası xəstə olduğu üçün gedə bilmir. Lakin anası Veysələ qısa müddətə gedib gəlməsi üçün ona icazə verir. Bəs görəsən, Velsəl Peyğəmbəri (s) görə bilir? Bunu əsəri oxuduqca daha yaxşı anlayacaqsınız.