AZ
Miranda Kouli Hellerin “Kağız saray” romanının baş qəhrəmanı Ella Bişop gözəl bir avqust günündə həyatının dönüş nöqtəsi olacaq qərar qəbul etməlidir. Qarşıdakı iyirmi dörd saat ərzində Ella seçim etməlidir: ömrünü ərinə və ailəsinə həsr etməyə davam edəcək, yoxsa ilk məhəbbətinin yanına qayıdacaq? Keçmiş xatirələr, sirlər
və çətin seçimlərlə dolu bu roman, sevgi, ailə, gizli arzular və taleyin keşməkeşli yollarından bəhs edən təsirli həyat hekayəsidir. “Kağız saray” əsəri ehtiras və mənəvi dəyərlər arasındakı gərgin mübarizədən, keçmiş travmaların izləri və insanın daxili mübarizəsindən bəhs edir. Həm iyirmi dörd saatın, həm də əlli ilin hadisələrini əhatə edən, insan psixikasının mürəkkəbliyini, basdırılmış istəklərini araşdıran bu roman oxucunu yalnız süjet xətti ilə deyil, həm də psixoloji dərinliyi ilə riqqətə gətirəcək.