Leyləklərin uçuşu

Leyləklərin qayıtma mövsümü yetişib, lakin quşlar yoxa çıxıblar. Öz ölkələrinə, doğma yuvalarına qayıtmayıblar. Əsər isveçrəli ornitoloqun gənc tarixçi Lui Antioşu leyləklərin miqrasiyasını araşdırmaq üçün işə götürməsi ilə başlayır. Ornitoloqun sirli və qəfil ölümündən sonra Lui leyləklərin yoxa çıxmasının sirrini təkbaşına araşdırmalı olur və tezliklə özünü cinayətlərin girdabında tapır. Əsərdə hadisələr sürətlə inkişaf edir, qəhrəman başını itirmir və müəmmalı, sirli hadisələr arasından öz yolunu tapmağa çalışır. Bu yol onu Bolqarıstan, İsrail, Mərkəzi Afrika Respublikası və Hindistana aparıb çıxarır. “Leyləklərin uçuşu” təkcə itkin quşların deyil, həm də insanlığa dair ən ağır sualların axtarışına çevrilən
ağır bir romandır. Jan-Kristof triller və detektiv janrını xoşlayanların sevimli yazıçısıdır.
“Leyləklərin uçuşu” yazıçının ilk əsəridir və ekzotika qarışıq qanlı-qadalı ab-havası ilə oxucuların sevimli kitabına çevrilib.