Qızımla iqtisadiyyat söhbətləri

İqtisadçı Yanis Varufakis bu kitabında qızına məktublar yazaraq kapitalizmin təhlükələri barədə onu maarifləndirməyə çalışır. “Niyə bu qədər bərabərsizlik var?” – deyə Ziniya atasından soruşur. Varufakis bu sadə, amma dərin suallara cavab olaraq, iqtisadiyyatın və kapitalizmin nə olduğunu və nəyə görə təhlükəli sistemə çevrildiyini sadə, anlaşılan və nəvazişli məktublar vasitəsilə qızına izah edir. O, qızının uşaqlıq xatirələrindən, qədim və məşhur hekayələrdən – Edip, Faust, Frankenşteyn, Matriks kimi mif və əsərlərdən bəhrələnərək “Qızımla iqtisadiyyat söhbətləri” kitabını həm oxunaqlı, həm də düşündürücü əsərə çevirir. Amma heç zaman acı həqiqətlərdən qaçmır. Yunanıstanın sabiq maliyyə naziri olan Varufakis oxucuya iqtisadiyyatın niyə bu dövrün ən mühüm dramı olduğunu izah edir. Qızının zahirən sadə, amma mahiyyətcə mürəkkəb suallarına cavab verərkən, o, dünyamızdakı çətinlikləri açıq, dürüst və saf bir dillə izah edir və eyni zamanda, bizləri daha yaxşı bir dünya qurmağa ruhlandırır.