Vəd olunmuş İmam

Hər bir dövrdə dinə inananlar arasında xilaskar mövzusu aktual olub, am­­­ma, təəssüf ki, keçmişdə, hətta indinin özündə belə bu mövzudan sui-istifadə edilib. Səmavi elçilər öz kəlam və kitablarında müjdəli xəbərlərlə möminlərin gə­ləcəyə nikbin baxmaqlarını təmin ediblər. Hər bir peyğəmbər özündən sonrakı peyğəmbərə qədər olan zaman fa­si­ləsində ardıcıllarının qəlbini aram, imanını möhkəm və sarsılmaz et­mək, təqva və səbir aşılamaq istiqamətində tapşırıqlar veriblər. Həzrət İsa Yu­hən­­na İncilində özündən sonrakı peyğəmbərin gələcəyini müjdə ve­rə­rək onun gəlişi üçün dua edəcəyini buyurur. İslam Peyğəmbəri də bu ilahi ənənəyə sadiq qalaraq ümmətinə öz nəs­lin­dən olan bir xilaskarın gəlişini müjdə verərək buyurur ki, dünyanın so­nuna hətta bircə gün qalsa belə, bu müjdə həyata keçəcək.