Yer planetinə əyləncəli səyahət

“Yonca” nəşrlərinin “Biləciklə Niyəciyin macəraları” silsiləsindən sizə təqdim etdiyi bu kitab “Yer planetinə əyləncəli səyahət” adlanır. Niyəciyi maraqlandıran suallar var: Planetimiz necə qurulub? Nəyə görə dağların yamacında ağaclar bitir, zirvəsində buzlaqlar olur? Dalğalar nədən yaranır, külək necə əsir? Nəyə görə çayların suyu qurtarmır? Dənizlər nəyə görə daşmır? Ayağımızın altındakı istilik mənbəyi nədir? Bütün bu kimi suallara cavab tapmaqda Niyəciyə sevimli qardaşı Biləcik və onların “Bi-Ni-001” adlı sehrli qutusu kömək edəcək. Bu kitabda Biləciklə Niyəcik yenə maraqlı səyahətlərə çıxacaq, okeanlara, dənizlərə, dağlara gedəcək, vulkanlarla tanış olacaq, qeyzerdə çiməcək, suyun altı ilə üzüb aysberqlərə baxacaqlar. Kitab məktəbəqədər yaşlı uşaqlar üçün nəzərdə tutulub.