Alaskanın Axtarışında

Amerikan yazıçısı Con Qrin uşaq və yeniyetmələrin həya­tından bəhs edən gözəl romanlar müəllifidir. O, müxtəlif nəşrlər üçün resenziyalar yazır, jurnallarda, radioda əməkdaşlıq edir. Yazıçının 2008-ci ildə bestseller siyahısında ilk yerlərdən birini tutan “Kağız şəhərlər” romanı Azərbaycan dilinə də tərcümə olunub, bizim oxuculara yaxşı tanışdır.

“Alaskanın axtarışında” yazıçının ilk romanıdır. Əsərin qəhrəmanı məşhur insanların ölümqabağı dediyi son sözlərini əzbərləməyi sevən on dörd-on beş yaşlı Maylz Halterdir. O, yeknəsəq həyatdan bezib. Öyrənir ki, məşhur fransız yazıçısı Fransua Rablenin son sözləri “Böyük bəlkə”ni axtarmağa gedirəm” olub, o da “Böyük bəlkə”ni axtarmaq üçün Kalver-Krik pansionunda oxumağa gedir. Orada Alaska, Takumi, Çip və Larayla tanış olur, dostlaşır. Hər şey normal gedərkən bir gün çox pis bir hadisə baş verir. Kitab iki hissədən ibarətdir. Həmin bu hadisədən əvvəl və sonra baş verənlər.