Bonqsun bacı

Avtobioqrafik roman olan “Bonqsun bacı” əsərində müəllif beş yaşlı Cananın gözü ilə cəmiyyət tərəfindən sevilməyən, bəzən damğalanan, lakin o dövrün əksər qulluqçuları kimi məsum və zəhmətkeş olan Bonqsun bacının həyatını təsvir edir. Bonqsun bacı 1960-70-ci illərdə yoxsul bir ailədə dünyaya gələn, orta təhsili belə başa vurmadan şəhərə gələrək az gəlirli qulluqçu işinə başlayan gənc qızların portretidir. Sevgi, kədər, iztirab kimi bir çox hislərin yaşandığı bu roman 1960-70-ci illərin modernizm siyasəti və iqtisadi inkişafın kölgəsində qalan Koreya cəmiyyətinin aşağı təbəqəsinə mənsub olan insanların həyatını bir qulluqçu qızın timsalında kino kimi canlandırır.