Eşq macərasının sonu

1904–1991-ci illərdə yaşamış ingilis yazıçı Qrem Qrinin “Eşq macərasının sonu” əsərinin qəhrəmanı da yazıçıdır. Əslində bəzi tənqidçilər hesab edir ki, romanda baş verən hadisələrlə yazıçının şəxsi həyatı arasında dərin parallellər tapmaq mümkündür. Roman Moris Bendriks adlı yazıçının daha inandırıcı yazmaq, bir dövlət qulluqçusunun həyatına, vərdişlərinə daha yaxından bələd olmaqdan ötrü onun xanımı ilə yaxınlaşmağından və bunun eşq macərasına çevrilməyindən bəhs edir. Ancaq bu roman adi və ənənəvi məhəbbət üçlüyündən bəhs etmir, Sara tədricən katolikə çevrildiyi üçün Moris Saranı, hətta Tanrıya da qısqanmağa başlayır. Qrem Qrin romanı təxmin edə bilməyəcəyimiz süjet xətti, özünəməxsus üslubu ilə bizi intizarda saxlamaqla yanaşı, həm də təəccübləndirməyi bacarır.