Kəlilə və Dimnə

“Kəlilə və Dimnə” təmsillər toplusudur. Kitab 15 fəsildən ibarətdir və hər fəsildə müxtəlif ibrətamiz hekayələr yer alır. Qəhrəmanların əksəriyyəti heyvanlardır. Əsas personajlar – padşah rolunu oynayan şir, onun xidmətçisi Şətrəba adlı öküzdür. Kəlilə və Dimnə isə həm əhvalatları rəvayət edən, həm də hadisələrin əsas iştirakçısı kimi çıxış edən çaqqallardır: Kəlilə doğrunun və dürüstlüyün simvolu, Dimnə isə yanlışın və yalanın simvoludur. “Kəlilə və Dimnə” kitabı bir çox dillərə tərcümə olunub. Orijinal mətnin eramızın III əsrində yaşadığı güman edilən brahman rahibi Beydəba tərəfindən qələmə alındığı düşünülür. Kitabın hind hökmdarı Dəbşəlim dövründə yazıldığı ehtimal olunur. Əsərin yazılma məqsədi isə hökmdarın üç tənbəl şahzadəsini tərbiyə etmək olmuşdur.