AZ
"Satışa çıxarılmış dünya" kitabı qlobal iqtisadiyyatın görünməyən, lakin həyati vacib sahəsinə - xammal bazarlarına həsr olunub. Müəlliflər - maliyyə jurnalistləri Xavyer Blas və Cek Farçi oxucunu neft, qaz, taxıl, metallar kimi əsas resursların alqı-satqısında baş verən gizli oyunlarla tanış edirlər. Onlar göstərirlər ki, dünyanın enerji və ərzaq təminatını idarə edənlər hər zaman dövlətlər yox, çox zaman kölgədə qalan nəhəng treyder şirkətləri və onların gizli şəbəkələridir.
Kitabda bu şirkətlərin yaranma tarixi, böhranlı dövrlərdə qazandıqları nüfuz, dövlətlərlə qurduqları gizli əlaqələr və dünya siyasətinə təsir imkanları faktlar və real hadisələr əsasında izah olunur. Müəlliflər, həmçinin müasir dövrdə resurs uğrunda mübarizənin geosiyasi nəticələrinə diqqət çəkir, oxucunu qlobal bazarların nə dərəcədə həssas və manipulyasiyaya açıq olduğuna inandırır.
"Satışa çıxarılmış dünya" oxucuya həm iqtisadiyyatın, həm də siyasətin pərdə arxasını göstərən müasir dünyanın necə işlədiyini anlamaq üçün dəyərli mənbədir.