Ağ göyərçinlər

Moskvada yaşayan yazıçı-jurnalist Ulduz Qasımın Qarabağ faciəsi silsiləsindən oxuculara təqdim etdiyi növbəti kitabını – “Ağ göyərçinlər” romanını ideya və məzmun baxımından zamanı qabaqlayan əsər də adlandırmaq olar.

Bu faciəvi süjetli hekayətin balaca ikən Şuşadan güllə-mərmi yağışı altında çıxmış qəhrəmanı Yusifin müqəddəs Məkkədə – ulu Yaradanın dərgahında müharibənin tezliklə bitməsi, həmyerlilərinin doğma şəhərinə qayıtması diləyi müəllifin əsərə nöqtə qoymasından cəmi 3 ay sonra gerçəkləşdi. Əsərdə müharibənin uşaqların qəlbində açdığı yaralar, məcburi köçkün həyatının acı səhnələri, soydaşlarımızın öz yurd-yuvalarına dönmək arzusunun qarşısıalınmazlığı təsirli bir dillə qələmə alınıb.