Basdırılmış nəhəng

Romalılar Britaniyanı çoxdan tərk edib. Böyük ölkə xarabazara çevrilib. Bununla belə, amansız müharibə nəfəsini dərməkdədir. Daha böyük bir bəla var – xatırlamaq... Xatırlamamaq... İki ahıl brit – Aksl və Beatris illərdir görmədikləri oğullarını görmək üçün yola çıxırlar. Əjdahalar, adamyeyən divlər, qulyabanılar, insanlara xatirələrini unutduran sis-duman, Kral Artur, cadugərlər, qayıqçılar, cəngavərlər... Fantastika və olduqca ciddi mətləblər, insanı düşündürən suallar, həmin suallara cavab axtarışı və axıcı süjet... Kimlik, tarixi kimlik, milli kimlik, müharibələr, intiqam, millətlər arasında daimi sülhün mümkünlüyü və ya qeyri - mümkünlüyü – əsərin toxunduğu mövzular bunlardır... Beatrislə Akslın saf sevgisini və bu sevginin, ümumiyyətlə, sevginin gücünü də yaddan çıxarmaq olmaz... “Dünyanın hazırda yaşayan ən nəhəng yazıçılardan biri Kazuo İşiqurodan yeni bir roman. Bir şah əsər!” - Devid Uilyams “İşiquro elə qəribə və möhtəşəm bir əsər yazıb ki... Bənzərsizdir! Oxucunu girov götürən bir romandır...” - Devid Sekston, “Evening Standard”