Bir gün buna güləcəyik…

Danimarkalı yazıçı Tomas Korsqordun “Bir gün buna güləcəyik…” romanı 2017-ci ildə oxuculara təqdim olunduqdan sonra Skandinaviyada bir neçə nüfuzlu ədəbi mükafata layiq görülüb. “Bir gün buna güləcəyik…” böyük gözləntilər içində yaşayan, ailəsindən umduğu sevgidən, diqqətdən, qayğıdan məhrum olan Tuedən bəhs edir. Danimarka cəmiyyəti mükəmməldirmi? Burada ailələr hər şeylə təmin edilibmi? Ana-atalar öz övladlarının həyatı ilə nə dərəcədə maraqlanıb onlara dəstək olur? Kitabda haqqında bəhs edilən ailə heç də tipik Danimarka ailəsi deyil… Yeniyetmə Tuenin “normal” olmaq cəhdləri dünyanın “ən yaxşı” ölkəsində ona nə dərəcədə yardım edəcək? Dağılan ailə, məyusluq, çətinliklər qarşısında sınanan yeniyetməlik haqqında çağdaş Danimarka romanı…