Çağdaş gürcü şeiri – Antologiya

Bu antologiya çağdaş gürcü poeziyasının ən önəmli nümayəndələrini bir araya gətirərək oxucunu Gürcüstan ədəbiyyatının poetik nəfəsi ilə tanış edir. Kitabda həm klassik irsin təsirini daşıyan, həm də yeni üslub axtarışları ilə seçilən şeirlər toplanıb. Antologiyada Giorgi Lobcanidze, Erekle Deisadze, İrma Beridze, Soso Meşveliani, Giorgi Zedvakeli, Giorgi Sacaya, Şalva Bakuradze, Giorgi Balaxaşvili, Ninuka Koiava, Akaki Qabriçidze, Salomea Lominadze, Natalia Beitrişvili, Tiko Kolotaşvili kimi gürcü poeziyasının görkəmli imzalarının əsərləri yer alır. Şeirlərdə təbiətin əzəməti, insanın daxili aləmi, tarix və yaddaş, vətən sevgisi, azadlıq duyğusu, sevgi və ayrılıq mövzuları xüsusi poetik güclə təqdim olunur. Müasir gürcü şairləri həm milli poeziya ənənəsinə söykənir, həm də universal mövzularla qlobal ədəbiyyatla dialoq qururlar. “Çağdaş gürcü şeiri” Azərbaycan oxucusuna qonşu xalqın duyğu dünyasını, poetik düşüncə tərzini və müasir ədəbiyyatdakı yenilənmə proseslərini yaxından tanımaq imkanı yaradır