Elementar hissəciklər

Romanda iki ögey qardaşın taleyindən bəhs olunur. Qardaşların hər ikisi öz anlayışına görə onları əhatə edən dünyada inadla xoşbəxtlik axtarır. Onlardan biri Mişel Djerzinski alim-bioloqdur, insan genlərində əsaslı dəyişikliklərin mümkünlüyünü təklif edir, bunun nəticəsində də yeni bir “xoşbəxt” insan növünün meydana gələcəyinə inanır. Digər qardaş Bruno isə sevgi axtarışına çıxmış, onu tapmış və itirmiş ədəbiyyat müəllimidir. Uelbek insan zəifliklərinə və yanlış təsəvvürlərə məruz qalmayan bu iki düşünən varlığın müasirlərimizin həyatını mühakimə etmələrini təmin etmiş və çox az insanın nail olduğu şeyi bacarmışdır: o, ictimaiyyəti, həqiqətən də, təəccübləndirmişdir. Mişel Djerzinskinin klonlaşdırma sahəsindəki yenilikçi işi sevgini çoxalma prosesindən uzaqlaşdırır. İnsanlar, Uelbekin də sübut etdiyi kimi, yalnız hissəciklərdir. “Elementar hissəciklər” romanında Mişel Uelbek Qərb sivilizasiyasının necə bir ideoloji, psixoloji və elmi fəlakətə yaxınlaşdığını təsvir edir və müəllifin retrospektivlərində XX əsrin elmi və mənəvi tarixində bu böhranı yaxınlaşdıran hadisələri qeyd edir.