On Doqquz Hekayə

Ürəyimdə kədərdən başqa heç nə olmadığı, mənim üçün az qala bütün hadisələrin əhəmiyyətini itirdiyi bu günlərdə hər şey haqqında açıq söhbət edəcəyim bir adam varsa o da sənsən. Bu dəqiqə səninlə söhbət etməyə dəhşətli dərəcədə ehtiyac hiss edirəm. Dörd ildən artıqdır, elə bir gün olmayıb ki, sənin haq¬qında düşünməyim, səni xatırlamayım. Hara getmi¬şəmsə gözlərim hər yerdə səni axtarıb. Hətta sən ola bilməyəcəyin yerlərdə belə səninlə qarşılaşmağı azulamışam. Tiflisdə, Azadlıq meydanının yaxınlığında bir kafe var. Ofisiant qız sənə oxşayır deyə hər gün səhər o kafeyə gedirəm. Çay, tort sifariş verib kitab oxuyuram. Ən əsası sənə oxşayan ofisianta baxıram. O da sənin kimi bəstəboy, saçları uzun, üzü çilli bir qızdır..