Şlyapalı Mauqli

Salam Qədirzadə gənclər arasında ən çox oxunan müəlliflərdəndir. Bu kitabda onun ən maraqlı, ən baməzə hekayələri toplanıb. Kitabı oxuduqca romantik ruhlu bu yazıçını eyni zamanda gözəl yumor ustası kimi kəşf edəcəksiniz. Qarışmış telefon xətti vasitəsilə maraqlı xəbərlər toplayıb ərinə danışan və bu “işə” aludə olduğu üçün telefon ustasına rüşvət verib xətti geri qaytaran Şəfiqə; nadanlığı ucbatından qonşusu tərəfindən ələ salınaraq “Şlyapalı Mauqli” ləqəbi qazanan Canəli müəllim; arvadının qorxusundan bığını qırxan ustadan şikayətçi Əzim... Bu qəhrəmanların hər biri özünəməxsus xarakterləri, məzəli və gözlənilməz əhvalatları ilə oxucunu güldürür və ürəkdən sevindirir.