Məşhurlar 5. Monoloq və dialoqlar

Monoloq və dialoqlar Məşhurlar silsiləsinin beşinci kitabıdır. Geniş oxucu kütləsi üçün nəzərdə tutulan topluda yerli, eləcə də dünyaca məşhur əsərlər və filmlərdən hissələr yer alıb. Bəzən hansısa kitabdan oxuduğumuz, yaxud filmdən eşitdiyimiz bir söz bizi – həyatımızı, ruhumuzu dilə gətirir, dərindən düşünməyə, nəciblik arxasınca getməyə sövq edir. Bir monoloq daxilimizin üsyan səsinə çevrilir, dialoq həqiqətlə üz-üzə dayanmağımıza cəsarət verir. Bu kitabda toplanmış dialoq və monoloqlar ədəbiyyat, eləcə də kino tarixində rast gəlinən ən yaxşılardandır. Əlbəttə, bu kiçik çıxarışlar məxsus olduqları əsərləri tamamilə ifadə edə bilməz. Amma istənilən halda həmin əsərlərin yadda qalmasında bu çıxarışların böyük önəmi var. Məşhurlar silsiləsinin dəyərli oxucuları bu dəfə məşhur monoloq və dialoqlarla baş-başa qalacaqlar. Həqiqətlər bu dəfə özü danışacaq.