AZ
“Əli və Nino” kitab klubları oktyabr ayını yeni kitablar və maraqlı müzakirələrlə qarşılayır.
Bu ay klub iştirakçıları Pərinuş Səniinin “Mənim payım”, Kollin Huverin “Veriti”, Astrid Lindqrenin “Mio, mənim Mio” və Ketrin Stokettin “The Calamity Club” əsərlərini oxuyacaqlar.
Fərqli ədəbi dünyaları bir araya gətirən oktyabr seçimi oxuculara həm yeni hekayələr kəşf etmək, həm də görüşlər zamanı kitablarla bağlı fikir və təəssüratlarını bölüşmək imkanı yaradacaq.
“Əli və Nino” kitab klubları hər ay müxtəlif yaş və dil qruplarından olan oxucuları bir araya gətirərək mütaliəni canlı müzakirələr və yeni tanışlıqlarla zənginləşdirir.
