AZ
“Əli və Nino” kitab mağazalar şəbəkəsində Azərbaycan, Rus və İngilis dillərində fəaliyyət göstərən üç kitab klubunun görüşləri keçirilib. Görüşlər çərçivəsində iştirakçılar fərqli mövzuları əhatə edən üç kitab ətrafında bir araya gələrək əsərlərin məzmununu, əsas ideyalarını və qəhrəmanları müzakirə ediblər.
Azərbaycan dilli “Mənim Payım” kitabı ətrafında müzakirə aparılıb. İştirakçılar əsərin toxunduğu mövzular, insan münasibətləri və şəxsi təcrübələrlə əlaqəli məqamlar barədə fikirlərini bölüşüblər.
Rus dilli kitab klubunun görüşündə Kolin Huverin “Тайный дневник” əsəri müzakirə olunub. Oxucular kitabın hadisələrini, personajların qərarlarını və əsərdə diqqət çəkən məqamları təhlil ediblər.
İngilis dilli kitab klubunda isə Ketrin Stokettin “The Calamity Club” kitabı ətrafında fikir mübadiləsi aparılıb. İştirakçılar əsərin məzmunu, müəllifin təqdim etdiyi mövzular və oxuduqları hissələrdən aldıqları təəssüratlar haqqında danışıblar.
Üç fərqli kitab və üç fərqli oxu təcrübəsi ətrafında təşkil olunan görüşlər oxuculara ədəbiyyata müxtəlif baxışları kəşf etmək, yeni fikirlər öyrənmək və kitabsevərlərlə ünsiyyət qurmaq imkanı yaradıb.
“Əli və Nino” kitab klubları müxtəlif dillərdə mütaliəni təşviq etməyə, oxucuları bir araya gətirməyə və kitab müzakirələri vasitəsilə ədəbi düşüncə mühitini inkişaf etdirməyə davam edir.
