AZ
Bu həftəsonu “Əli və Nino” Crescent Mall filialı rəngarəng və enerjili tədbirlərlə dolu idi. 2 noyabr tarixində baş tutan yaradıcılıq dolu proqram həm böyüklərin, həm də uşaqların marağına səbəb oldu.
Günün ilk hissəsində keçirilən Barista Masterclass zamanı iştirakçılar pumpkin spice latte hazırlamağın incəliklərini öyrəndilər. Payızın simvoluna çevrilmiş bu içki “Əli və Nino” kafesində xüsusi ab-hava yaratdı.
Ardınca baş tutan Balqabaq boyama və Face Art fəaliyyətlərində uşaqlar öz yaradıcılıqlarını sərbəst şəkildə ifadə etdilər. Rəngli boyalar, fantaziya dolu balqabaqlar və gülümsəyən üzlər kitab mağazasını sanki kiçik bir payız emalatxanasına çevirdi.
Daha sonra keçirilən Terrarium masterclass zamanı iştirakçılar öz mini ekosistemlərini hazırladılar. Bitkilərlə işləmək, dekorativ kompozisiyalar qurmaq və təbiətin sakitliyini hiss etmək tədbirin ən zövqlü hissələrindən biri oldu.
Gips boyama və Halloween dekoru hazırlığı ilə gün davam etdi. Hər kəs öz fantaziyasına uyğun rənglər və formalar seçərək fərqli bəzəklər yaratdı.
Tədbirlər həm uşaqlar, həm də böyüklər üçün faydalı və ruhlandırıcı bir təcrübə oldu. Payızın isti tonları və kitab mağazasının yaradıcılıq dolu atmosferi “Əli və Nino”nu bu həftəsonu üçün ən sevilən məkanlardan birinə çevirdi.
