Yaponiya mədəniyyəti “Əli və Nino”da təqdim olunacaq

Tədbir çərçivəsində iştirakçılara Yaponiyanın zəngin mədəniyyəti müxtəlif istiqamətlər üzrə təqdim olunacaq. Ziyarətçilər yapon geyimləri ilə fotosessiyada iştirak edə, yapon yazısı ilə tanış olaraq adlarını bu dildə yazdırma imkanı əldə edə biləcəklər.

Bundan əlavə, proqramda yapon ədəbiyyatına həsr olunmuş təqdimat da yer alacaq. Tədbir iştirakçılara həm maarifləndirici, həm də fərqli mədəni təcrübə qazandırmağı hədəfləyir.