Penguin Books

Nəşriyyatın əsas məziyyəti kitab bazarının demokratikləşməsi hesab edilir ki, bu da kitabı dəbdəbəli əşyadan kütlənin istifadə edə biləcəyi zövqə çevirib. Allen Leyn 19 yaşında öz dayısının nəşriyyatda ( The Bodley Head ) işə başladı və öz soyadından imtina edərək onun soyadına keçdi. Dayısı öldükdən sonra isə həmin nəşriyyatın direktoru oldu. Lakin o, kampaniyanın digər böyük gücləri ilə mübarizə aparmaqda çətinlik çəkirdi. 30-cu illərdən sonra vəziyyət tamamilə dəyişir. Avropa ölkələrində hökm sürən “Böyük depressiya” sayəsində yayılan böhranla birgə nəşriyyat da krizis dövrünə qədəm qoydu. Çünki həmin dövrdə bu nəşriyyatın istehsal etdiyi böyük, bərk üzlü kitablar demək olar ki, bəzək əşyası kimi istifadə olunurdu.  Bu böhrandan sonra inanlar sürətlə yeni xəbərləri, yazılan məlumatları və s. oxumağa başladı. Belə məqamda Allen başa düşdü ki, bu imkanı fürsətə çevirmək vaxtıdır. Artıq kitabı bəzək əşyasından gündəlik istifadə edilən bir vasitəyə çevirməli, hamıya əlçatan etməlidir. Bir gün vağzalda köşkdən jurnal alarkən Allenin beyninə qəfil ideya gəldi – dəbdəbəli kitab üzlüklərindən əl çəkib kitabları artıq ucuz, sadə, yumşaq üzlü kağızlardan hazırlayaraq satışa təqdim etməyə başladı. İlkin olaraq bu kitabların siyahısında məhz roman janrı çap olunurdu.  Daha sonra isə Leyn hər kəsi maraqlandıracaq daha ciddi əsərləri çap etmək qərarına gəldi. Belə bir kitab, bahalı bir nüsxəni zədələmək və ya itirmək qorxusu olmadan səyahətdə və hər yerdə özünüzlə aparıla bilərdi. Və onu təkcə kitab mağazalarında deyil, dəmiryol vağzallarında, supermarketlərdə, mehmanxanaların foyelərində - istədiyiniz yerdə satmaq mümkün olacaqdı. İdeya həyata keçirildikdə layihəyə Penguin adı verildi.  1936-cı ildən etibarən isə Penguin nəşriyyatı artıq Allenin dayısının nəşriyyatından ayrılaraq öz fəaliyyətini müstəqil şəkildə davam etdirməyə başladı.