Alqış sədaları altında ölüm

"...Bu gün tamaşaçı zalında hökumətin və Prezident Administrasiyasının məsul məmurlarından ibarət böyük nümayəndə heyəti də əyləşmişdi, ən əsası mədəniyyət nazirinin özü də qonaqlar arasında idi. Hamlet və Laert bir-birinə zərbə endirməkdə davam edirdilər. Aktyorların ikisi də döyüşün mümkün qədər təbii görünməsi üçün qılıncoynatma üzrə xüsusi kurs keçmişdi. Hamlet bir neçə zərbə endirdi və Laert ona qəzəblə baxdı. Hamlet qılıncın iti ucu ilə onun köynəyinin qolunu cırdı. İndi Laertin replikası gəlməli idi, lakin Hamletin zərbəsindən qəzəblənmiş rəqib susurdu. Suflyor aşağıdan iki dəfə onun deməli olduğu sözləri təkrar etdi. Ancaq Laert əvvəlki kimi susmaqda idi. Onu qılıncın iti olması özündən çıxartmışdı. Belə qərara gəlmişdi ki, bu, sadəcə olaraq, baş rejissorun ona bildirmədikləri növbəti ideyasıdır və bundan çaşdığına görə öz replikasını deməmişdi..."
Detektiv əsərlər müəllifi Çingiz Abdullayevin "Alqış sədaları altında ölüm" adlı romanında hadisələr Rusiyadakı teatrların birində cərəyan edir.
Şekspirin "Hamlet" faciəsinin bu dəfə real həyatda, özü də birbaşa səhnədə yaşanacağı heç kəsin ağlına gəlməzdi - nə teatr rəhbərliyinin, nə aktyorların, nə də ki, tamaşaçıların... Amma bu faciə yaşanır. Nə qədər inanılmaz olsa da, "Hamlet"də oynayan bir aktyor digərini elə səhnədəcə qətlə yetirir. Tamaşaçılar isə xalq artistinin kralın ölüm səhnəsini həddən artıq teatral və qeyri-adi istedadla oynadığını zənn edib onu alqışlayırlar. Bəs səhnədə əslində nə baş verir? Teatra məxsus rekvizit qılıncı əsl qılıncla kim dəyişmişdi? Hamletin əlindəki qılıncı ona kim vermişdi? Dronqo qatili axtarmağa başlayır, amma elə bu zaman növbəti cinayətlər baş verir...
Kitab geniş oxucu kütləsi üçün nəzərdə tutulub.