AZ
31 oktyabr 1987-ci ildə vəfat edən Cozef Kempbell mifologiya üzrə dünyanın ən mühüm avtoritetlərindən biri idi. Akademik, yazıçı və müəllim olan Kempbellin fikrincə, mifologiya kainatın musiqisidir. Televiziya jurnalisti Bill Moyers və Cozef Kempbell arasındakı dialoqları ehtiva edən bu kitab PBS kanalı üçün çəkilmiş 6 seriyalı televiziya proqramına əsaslanır.
Bütün həyatını mifologiyaya həsr edən Cozef Kempbell Bill Moyersin mifologiya və həyatla bağlı bütün suallarına səmimi cavab verir. O, mifologiyanın hər kəsə nə üçün lazım olduğunu izah edir. Sevgi, evlilik, övladlarımıza söylədiyimiz hekayələr, qurbanlıq mədəniyyəti, həyat səyahətimiz kimi müasir dünya vəziyyətlərini qədim mifologiya kontekstində ələ alır ki, qarşınızda tamamilə fərqli bir perspektivin göründüyünü dərk edirsiniz.