AZ
26 oktyabr tarixində “Əli və Nino” mağazalar şəbəkəsinin Crescent Mall filialında “Həftəsonu tədbirləri” çərçivəsində bir sıra kitab klubu görüşləri keçirildi. Gün ərzində həm ingilis, həm rus, həm də azərbaycandilli kitabsevərlər oxu mədəniyyətini paylaşmaq və müzakirələr aparmaq üçün bir araya gəldilər.
Azərbaycan dilində keçirilən görüşdə Mürsüd Mehdinin yeni kitabı müzakirə olundu. Yazıçı tədbirdə şəxsən iştirak edərək oxucularla birbaşa dialoq qurdu, əsərin ideyası, mövzusu və yazılma prosesi haqqında maraqlı fikirlərini bölüşdü. Oxucular müəllifə suallar ünvanlayaraq əsərin bədii və fəlsəfi tərəfləri barədə canlı müzakirələr apardılar. Görüş səmimi və ədəbi atmosferdə keçdi.
Günün sonunda isə “Əli və Nino” Uşaq Kitab Klubunun görüşü təşkil olundu. Balaca oxucular sevdikləri kitablar haqqında danışdılar, maraqlı hekayələr paylaşdılar və oxuma vərdişlərini gücləndirən interaktiv oyunlarda iştirak etdilər. Tədbir uşaqların yaradıcılığını və kitab sevgisini artırmaq məqsədi daşıyırdı. Beləliklə, “Əli və Nino” kitab klubu 26 oktyabr tarixində hər yaşdan oxucunu bir araya gətirərək həm ədəbi, həm də maarifləndirici bir mühit yaratdı. Mağaza növbəti kitab müzakirələrini yaxın zamanda elan edəcək.
📍 Məkan: “Əli və Nino”, Crescent Mall, 4-cü mərtəbə
📞 Əlaqə: +994 51 716 59 11
