Aprel ayında “Əli və Nino” kitab klubları nə oxuyur?

“Əli və Nino” kitab klubları aprel ayı üçün zəngin və müxtəlif janrları əhatə edən kitab seçimi ilə oxucuların qarşısına çıxır.

Ay ərzində təşkil olunacaq görüşlərdə iştirakçılar şəxsi inkişaf, romantika və klassik ədəbiyyat nümunələrini müzakirə edəcəklər.

Böyüklər üçün kitab klubunun seçimlərindən biri Norman Vincent Peale-in “The Power of Positive Thinking” əsəridir. Kitab müsbət düşüncənin insan həyatına təsiri və psixoloji yanaşmalar üzərində qurulub.

Digər seçimlər arasında Ali Hazelwood-un “Beyindəki eşq” əsəri yer alır. Müasir romantik janrda yazılmış bu kitab elm və sevgi mövzularını birləşdirir.

Uşaq kitab klubunda isə C.K. Rowling-in “Harri Potter və sirlər otağı” əsəri müzakirə olunacaq. Fantastik dünyası ilə məşhur olan bu kitab uşaqları sehrli macəraya aparır.

Eyni zamanda klassik ədəbiyyat sevərləri üçün Orxan Pamukun “Məsumiyyət muzeyi” əsəri də proqramda yer alır.

Bu müxtəlif seçimlər oxuculara fərqli baxış bucaqları qazandırmaq və maraqlı müzakirə mühiti yaratmaq məqsədi daşıyır.